Robert Burns wrote this poem in 1786 as a tribute to that truly uniquely Scottish dish, haggis. Since then, Address to a Haggis has become a central part of the yearly Burns Dinners held around the world on or about January 25th. As an integral part of the dinner, the haggis is carried to the table on a silver platter accompanied by bagpipes playing. A chosen participant recites the address, lifting the haggis up during the last line for everyone at the table to see, and then proceeds to cut into the haggis with a ceremonial knife. Everyone then salutes the Haggis with a toast, usually whiskey.
Fair fa' your honest, sonsie face,
Great chieftain o' the pudding-race!
Aboon them a' yet tak your place,
Painch, tripe, or thairm:
Weel are ye wordy o'a grace
As lang's my arm.
The groaning trencher there ye fill,
Your hurdies like a distant hill,
Your pin was help to mend a mill
In time o'need,
While thro' your pores the dews distil
Like amber bead.
His knife see rustic Labour dight,
An' cut you up wi' ready sleight,
Trenching your gushing entrails bright,
Like ony ditch;
And then, O what a glorious sight,
Warm-reekin', rich!
Then, horn for horn, they stretch an' strive:
Deil tak the hindmost! on they drive,
Till a' their weel-swall'd kytes belyve
Are bent like drums;
Then auld Guidman, maist like to rive,
Bethankit! hums.
Is there that owre his French ragout
Or olio that wad staw a sow,
Or fricassee wad make her spew
Wi' perfect sconner,
Looks down wi' sneering, scornfu' view
On sic a dinner?
Poor devil! see him owre his trash,
As feckles as wither'd rash,
His spindle shank, a guid whip-lash;
His nieve a nit;
Thro' blody flood or field to dash,
O how unfit!
But mark the Rustic, haggis-fed,
The trembling earth resounds his tread.
Clap in his walie nieve a blade,
He'll mak it whissle;
An' legs an' arms, an' hands will sned,
Like taps o' trissle.
Ye Pow'rs, wha mak mankind your care,
And dish them out their bill o' fare,
Auld Scotland wants nae skinking ware
That jaups in luggies;
But, if ye wish her gratefu' prayer
Gie her a haggis!
A short glossary:
sonsie = cheerful, happy
aboon = above
painch = paunch
thairm = cat gut
dight = wipes
walie = choice
skinking = watery
jaups = splashes
luggies = dishes
